Sipas rezultateve
preliminare të kërkimeve të shkencëtarëve të universitet amerikan në Harvard,
ilaçi për sëmundjen e sheqerit gjendet në treg tash e mbi 20 vjet, por deri
tash ai nuk është shfrytëzuar për këtë qëllim. Vaksina kundër tuberkulozit
është dëshmuar se është një ilaç shumë i suksesshëm në shërimin e diabetit të
tipit 1, nga i cili anembanë botës lëngojnë me miliona njerëz. Pacientët me
këtë sëmundje duhet vazhdimisht të injektojnë insulinën në mënyrë që të mbajnë
nivelin e sheqerit në gjak në sasinë e lejuar. Sipas hulumtimeve që janë end
enë fazën e hershme, vaksina kundër tuberkulozit i sulmon qelizat të cilat e
shkatërrojnë insulinën natyrore në trup, dhe kjo ndikon që koncentrimi i këtij
hormoni të ngrihet në nivel normal te njerëzit e shëndetshëm.
“Mendojmë se me përpunimin
e vaksinës kundër tuberkulozit do të mund të krijojmë ilaç me çmim të kapshëm
për pacientët, por nevojiten ende hulumtime plotësuese dhe modifikim i
vaksinës”, tha Denise Faustman, drejtoreshë e laboratorit imunologjik të
spitalit të përgjithshëm Massachusetts, ku shkencëtarët nga Harvardi i kanë
kryer hulumtimet e tyre. Si transmeton gazeta zagrebase Veçernji list, tre
pacientëve me tipin 1 të diabetit u kanë inkektuar nga dy doza të vaksinës BSG
dhe pastaj kanë përcjellë zhvillimin e situatës. Dy nga tre pacientët në 30
javët e ardhshme kanë treguar përparim të dukshëm.
“Pankreasi nuk iu punonte,
por vaksina e ka nxitur punën e tij”, tha Faustman.
(marrë nga “Koha Ditore”, 10.08.2012)
Kommentare
Kommentar veröffentlichen